Тропарь воскресный, глас 5:

Собезнача́льное Сло́во Отцу́ и Ду́хови,/ от Де́вы ро́ждшееся на спасе́ние на́ше,/ воспои́м, ве́рнии, и поклони́мся,/ я́ко благоволи́ пло́тию взы́ти на кре́ст,/ и сме́рть претерпе́ти,/ и воскреси́ти уме́ршия// сла́вным воскресе́нием Свои́м.

Перевод: Слово, безначальное подобно Отцу и Духу, от Девы родившееся для спасения нашего, воспоем, верные, и поклонимся Ему, ибо благоволил Он плотию взойти на Крест, и смерть претерпеть, и воскресить умерших славным воскресением Своим.

Кондак воскресный, глас 5:

Ко а́ду, Спа́се мо́й, соше́л еси́,/ и врата́ сокруши́вый я́ко Всеси́лен,/ уме́рших я́ко Созда́тель совоскреси́л еси́,/ и сме́рти жа́ло сокруши́л еси́,/ и Ада́м от кля́твы изба́влен бы́сть,/ Человеколю́бче, те́мже вси́ зове́м:// спаси́ на́с, Го́споди.

Перевод: Во ад сошел Ты, Спаситель мой, / и врата его сокрушив, как Всемогущий, / как Творец умерших воскресил с Собою, / и жало смерти уничтожил, [Христе,] / и Адама от проклятия избавил, Человеколюбец. / Потому все мы восклицаем Тебе: / «Спаси нас, Господи!»

Тропарь Воздвижения Креста Господня, глас 1:

Спаси, Господи, люди Твоя/ и благослови достояние Твое,/ победы на сопротивныя даруя// и Твое сохраняя Крестом Твоим жительство.

Кондак Воздвижения Креста Господня, глас 4:

Вознесыйся на Крест волею,/ тезоименитому Твоему новому жительству/ щедроты Твоя даруй, Христе Боже,/ возвесели нас силою Твоею,/ победы дая нам на сопостаты,/ пособие имущим Твое оружие мира,// непобедимую победу.

Перевод кондака священномучеником диаконом Сергием Цветковым: Ты, Христе Боже, вознесшийся на крест добровольно, тезоименитому Твоему новому жительству (в церкви христианской) даруй Твоя милости; возвесели силою Твоею верных царей наших, победы дая им на враги, да имеют они помощию своею (Тебя), оружие мира, непобедимую победу.

Тропарь великомученице Евфимии Всехвальной, глас 4:

А́гница Твоя́, Иису́се, Евфи́мия/ зове́т ве́лиим гла́сом:/ Тебе́, Женише́ мой, люблю́,/ и Тебе́ и́щущи страда́льчествую,/ и сраспина́юся, и спогреба́юся креще́нию Твоему́,/ и стражду́ Тебе́ ра́ди,/ я́ко да ца́рствую в Тебе́,/ и умира́ю за Тя, да и живу́ с Тобо́ю,/ но, я́ко же́ртву непоро́чную приими́ мя, с любо́вию поже́ршуюся Тебе́./ Тоя́ моли́твами,// я́ко Ми́лостив, спаси́ ду́ши на́ша.

Перевод: Агница Твоя, Иисусе, Евфимия взывает громогласно: «Тебя, Жених мой, люблю, и, Тебя ища, страдаю, и распинаюсь и погребаюсь с Тобою в Твоем крещении, и терплю муки за Тебя, да царствую в Тебе, и умираю за Тебя, чтобы и жить с Тобою; но, прими меня как жертву непорочную, с любовью принесенную Тебе!» По ходатайствам ее, как Милостивый, спаси души наши.

Кондак великомученице Евфимии Всехвальной, глас 4:

Во страда́нии свое́м до́бре подвиза́ся/ и по сме́рти нас освяща́еши чуде́с тече́нием, всехва́льная./ Тем твое́ успе́ние пое́м,/ ве́рою прибега́юще в Боже́ственную твою́ це́рковь,// да изба́вимся неду́г душе́вных и чуде́с благода́ть поче́рпем.

Перевод: В мученичестве твоем хорошо подвизаясь и после смерти ты освящаешь нас потоком чудес, всеми прославляемая. Потому твое успение воспеваем, с верой приходя в Божественную твою церковь, чтобы избавиться от болезней душевных и почерпнуть благодать чудес.

Тропарь мученикам Исааку и Иосифу, Феодосиопольским (Эрзурумским), глас 4:

Мученицы Твои, Господи, Исааке и Иосифе/ во страданиих своих венцы прияша нетленныя от Тебе, Бога нашего,/ имуще бо крепость Твою,/ мучителей низложиша,/ сокрушиша и демонов немощныя дерзости./ Тех молитвами// спаси души наша.

Кондак мученикам Исааку и Иосифу, Феодосиопольским (Эрзурумским), глас 2:

Светильницы светлии явльшеся,/ божественнии мученицы Исааке и Иосифе,/ тварь всю светлостию чудес озаряете,/ недуги разрешающе и глубокую тьму всегда отгоняюще,// Христу Богу молящеся непрестанно о всех нас.

Тропарь преподобному Прокопию Чешскому Сазавскому, глас 8:

Избранный чудотворче и постниче,/ преподобне отче Прокопие,/ ты возвращаеши нам веру святыя Людмилы,/ словом своим укрепляеши// Православную веру нашу.

Кондак преподобному Прокопию Чешскому Сазавскому, глас 2:

Чистотою душевною божественне вооружився,/ и непрестанныя молитвы яко копие вручив крепко,/ пробол еси бесовская ополчения,/ Прокопие, отче наш,// моли непрестанно о всех нас.

Примечание: молиться следует тропарями, кондаками или другими молитвославословиями только на церковно-славянском языке, чтобы не оказаться обновленцами Церкви Русской, или националистами Украины или Белоруссии, поскольку церковнославянский язык издревле является каноническим церковнослужебным языком для России, Украины, Белоруссии, Молдавии, Болгарии и Сербии.