ТРОПАРЬ И КОНДАК СРЕДЫ (КРЕСТУ ГОСПОДНЮ): Тропарь Животворящему Кресту Господню (среды), глас 1: Спаси, Господи, люди Твоя/ и благослови достояние Твое,/ победы на сопротивныя даруя// и Твое сохраняя Крестом Твоим жительство. Кондак Животворящему Кресту Господню (среды), глас 4: Вознесыйся на Крест волею,/ тезоименитому Твоему новому жительству/ щедроты Твоя даруй, Христе Боже,/ возвесели нас силою Твоею,/ победы дая нам на сопостаты,/ пособие имущим Твое оружие мира,// непобедимую победу.

Тропарь пророку Захарии и праведной Елисавете, глас 2: Праведных Твоих Захарии и Елисавети, Господи, память празднующе,/ теми молим Тя:/ спаси душы наша. Кондак пророку Захарии и праведной Елисавете, глас 3: Пророк днесь и священник Вышняго,/ Захария предложи, Предтечев родитель,/ трапезу своея памяти,/ верныя питая, питие бо правды всем растворив,/ сего ради скончавается,// яко божественный таинник Божия благодати,/ с праведною своею супружницею Елисаветою.

Тропарь Божией Матери, ради иконы Её Оршанской, глас 4: Днесь све́тло красу́ется дре́вний град О́рша,/ я́ко зарю́ со́лнечную восприи́мши, Влады́чице чудотво́рную твою́ ико́ну,/ от нея́же по́мощь яви́ла еси́ свято́му Афана́сию в ско́рбех,/ и Спиридо́ну печа́тнику подде́ржка и утеше́ние была́ еси́,/ оби́телям и́ноческим заступле́ние и покро́в,/ и всем прибега́ющим к ико́не Твое́й ми́лостивая Ма́ти,/ к не́йже ны́не и мы припа́даем и те́пле вопие́м:/ О, причу́дная Влады́чице Богоро́дице,/ моли́ся из Тебе́ воплоще́нному Христу́ Бо́гу на́шему,// да спасе́т ду́ши на́ша я́ко Милосе́рд. Кондак Божией Матери, ради иконы Её Оршанской, глас 6: Предстательство христиан непостыдное,/ ходатайство ко Творцу непреложное,/ не презри грешных молений гласы,/ но предвари, яко Благая, на помощь нас,/ верно зовущих Ти,/ ускори на молитву, и потщися на умоление,// предстательствующи присно, Богородице, чтущих Тя.

Тропарь преподобномученику Афанасию Брестскому, глас 2: Блажен еси, отче наш Афанасие,/ яко верно пожил еси, стоя бодренно за святую Православную веру,/ со умилением присно поя неседальное Пречистей,/ заповедуя никомуже нарушати Православныя веры святыя,/ пострадав за свидетельство истины даже до смерти./ Мы же, чтуще святыню твою,/ со дерзновением взываем ти:/ отче наш, преподобномучениче Афанасие,// похвало и украшение наше. Кондак преподобномученику Афанасию Брестскому, глас 2: Яко постника благочестна и искусна,/ и страдальца произволением честна,/ и пустыни жителя сообразна,/ в песнех достойно хвалим Афанасия приснохвальнаго,// той бо змия попрал есть.

Тропарь благоверному князю-страстотерпцу Глебу (Давиду) Муромскому, глас 4: Мученик Твой, Господи,/ спасшеся веры ради,/ княже Глебе,/ труждающимся быстрый помощник/ и ненадежным надежа./ Ты бо болезни врачуеши притекающим к тебе с верою./ Темже и мы верою молимся/ от бед избави нас,// чтущим любовию память твою. Кондак благоверному князю-страстотерпцу Глебу (Давиду) Муромскому, глас 2: Днесь земля ублажается, напившися крови твоея,/ и храм освящается, приимши тело твое,/ великомучениче княже Глебе./ Желанием болезни твоея за грези предлагаема/ и удесы благоухания освящающи,// подающи всему миру велию милость.

Тропарь мученице Раисе (Ираиде) Александрийской, Антинопольской, глас 4: Агница Твоя, Иисусе, Ираидо, зовет велиим гласом:/ Тебе, Женише мой, люблю,/ и Тебе ищущи, страдальчествую/ и сраспинаюся и спогребаюся Крещению Твоему,/ и стражду Тебе ради, яко да царствую в Тебе,/ и умираю за Тя, да и живу с Тобою,/ но яко жертву непорочную приими мя, с любовию пожершуюся Тебе.// Тоя молитвами, яко Милостив, спаси души наша. Кондак мученице Раисе (Ираиде) Александрийской, Антинопольской, глас 2: Храм твой всечестный, яко цельбу душевную обретше,/ вси вернии велегласно вопием ти:/ дево мученице Ираидо великоименитая,// Христа Бога моли непрестанно о всех нас.

Тропарь мученикам Иувентину и Максиму, Антиохийским, глас 4: Мученицы Твои, Господи, Иувентине и Максиме,/ во страданиих своих венцы прияша нетленныя от Тебе, Бога нашего,/ имуще бо крепость Твою,/ мучителей низложиша,/ сокрушиша и демонов немощныя дерзости./ Тех молитвами// спаси души наша. Кондак мученикам Иувентину и Максиму, Антиохийским, глас 2: Светильницы светлии явльшеся,/ божественнии мученицы Иувентине и Максиме,/ тварь всю светлостию чудес озаряете,/ недуги разрешающе и глубокую тьму всегда отгоняюще,// Христу Богу молящеся непрестанно о всех нас.

ИЗ ЛЕТОПИСИ ПРАВОСЛАВИЯ:

В этот день в 1995 году:

* В Великом Новгороде в Софийской кафедральной соборной церкви освящён придел в честь апостола и евангелиста Иоанна Богослова.
* Иеродиакон Даниил (Недиогло) рукоположен в в сан иеромонаха (впоследствии настоятель церкви Казанской иконы Божией Матери в селе Кендя (Мордовия).
* Виталий Тулупов принял монашеский постриг с именем Борис (впоследствии игумен, наместник Николаевского Малицкого мужского монастыря в Тверской области).
* Святитель Гавриил Имеретинский причислен к лику святых Грузинской Православной Церкви.
* Скончался протоиерей Николай Бараненко, бывший настоятель Свято-Озерянской церкви в Харьковской области).
* Преподобный Алексий Грузинский (Шушания) причислен в лику святых Грузинской Православной Церкви.